Барлык яңалыклар
Спорт
4 февраль 2019, 10:21

Волейбол, йөзү, футбол...

Җиңү бәясе - секундның йөздән бер өлеше

Волейбол анонсы

Шушы атнада район спорт уеннары зачетына волейбол буенча беренчелек башланды. 16 команда катнашу теләге белдергән. Барысының да ахырга кадәр калуы факт түгел. Аның тимер факты: тамашачы ихтыяҗы күбрәк булган саен, уеннар да күңеллерәк уза. Календарь белән «ВКонтакте»да «Волейбол Янаул» төркемендә танышырга мөмкин. Әйткәндәй, анда ук, турнирны яктыртып барачаклар.


Йөзү: Борайда «хет-трик"

23 гыйнварда Борай авылында йөзү буенча ачык беренчелек узган. Ачыклыкны аңа шул исәптән безнең яшь йөзүчеләрнең «алтын» катнашуы керткән. «Алтынга» Эвелина Сафина, Марат Хазбулатов һәм Данил Хаҗиев йөзә алган.


Футбол: Куедага рандеву

Аз гына алдарак Куеда бистәсендә (Пермь крае) кар өстендә футбол буенча турнир узган. Яңавыл футболчылары – тиңдәшле турнирларда күрше пермьлыларда еш кунак. Өстәвенә, кунаклар чиктән тыш «күңелгә ятышсыз»: егетләр даими аннан кубок һәм алтын медаль алып кайта. Монысында да шундый кәеф булган, безнең районнан тренер Илдус Заһриев җитәкчелегендә 2001-2003 елда туган егетләр командасы ярышта вәкил.

Тоташ алганда, яңавыллылар сыйфатлы футбол күрсәткән. Болай гына да түгел, Рүзил Гарипов - беренчелекнең иң яхшы бомбардиры. Әмма җиңүгә аз гына җитмәгән, Яңавыл көмеш белән канәгатьләнеп, ягымлы кунак булган..


Җиңел атлетика: җиңү бәясе – секундның йөздән бер өлеше

15-16 гыйнварда Уфада 2000-2005 елда туган егет һәм кызлар арасында өч яшь категориясендә БРның җиңел атлетика буенча кышкы беренчелеге узды.

Гимназияче Алина Әхмәтгәрәева 800 м дистанциядә бронза призеры булды. Беренчелекнең былтыргы җиңүчесе Даниил Пономарев (лицей) быел 3000 метрны икенче урында тәмамлап, аз гына калышты.

Ә иң ныкышмалы көрәш 400 м ераклыкта кече кызлар арасында булды. Беренче йөгерүдә искиткеч нәтиҗә күрсәтеп, алдынгылыкны Элиза Абганиева (1 санлы мәктәп) алды, әмма соңгы 12нче йөгерештә Уфадан катнашучы Элизаны икенче урынга калдырды. Җиңү бәясе – 0, 07 секунд...

Еш кына мактау пьедесталыннан бер адымда тукталып, тоташ команда турнирны яхшы дәрәҗәдә үткәрде.

Руслан Васильев, команда тренеры.