Барлык яңалыклар
Спорт
15 июль 2019, 18:37

Чыгышларда да, оештыруда да

Уфада Халыкара балалар уеннары-2019 тәмамланды

Фото интернеттан
Үткән атна ахыры тоташ республика өчен әһәмиятле булды. Эш шунда ки, Уфада 11-13 июльдә җәйге Халыкара балалар уеннары узды. Программа үз эченә тугыз төр алган: футбол, йөзү, фехтовать итү, пляж волейболы, баскетбол, дзюдо, грек-рим көрәше һәм кыя тауга менү. Соңгы ике төре Халыкара балалар уеннары программасына тәү тапкыр кергән. Шулай ук Уфа бу халыкара спорт форумын үзендә кабул иткән беренче Русия шәһәре булды. Җиңү өчен 12-15 яшьлек балалар ярышты – барысы 1 192 спортчы (669 егет һәм 523 кыз). Ил вәкиллеге турында сөйләгәндә, барлыгы 29 илдән, 84 шәһәрдән делегатлар катнашкан.
Кабул итүче як өчен нәтиҗәләр мактанырлык. Шулай, Уфа гомум зачетта җиңүче булган – республика башкаласыннан спортчылар активында сигез алтын, алты көмеш һәм унбер бронза медаль. Барлыгы сиксән сигез медаль комплекты уйнатылган.
Халыкара оештыручылар һәм Халыкара балалар уеннары-2019 кунаклары башкортстанлыларның чыгышын гына түгел, ә тоташ алганда гамәлләрне оештыру дәрәҗәсен дә югары бәяләгән. Аерым алганда, Халыкара балалар уеннарының генераль секретаре Ричард Смит йомгаклау матбугат-конференциясендә "Уфа Уеннарны оештыру дәрәҗәсе буенча төрле мактаулардан югары" дип ассызыклаган.