Русия командасы биатлон буенча алтын яулады

Биатлон буенча Дөнья кубогының бишенче этабында катнаш эстафета безнең җиңү белән тәмамланды. Ил җыелмасы өчен Ульяна Кайшева, Светлана Миронова, Александр Логинов һәм Эдуард Латыйпов ярышты. Норвегия командасы икенче, Франция җыелмасы өченче булып килде. Соңгы этапта узышкан безнең якташыбыз Эдуард Латыйповның уңышлы көрәше ил командасын җиңүгә китерде. Русия командасы бу төр узышта 17 ел дәвамында җиңү яуламаган булган.