Мини-футбол буенча турнир узды

Безгә Пермь өлкәсенең Куеда, Октябрьский бистәләреннән, Нефтекама шәһәреннән, Борай авылыннан командалар кунакка килде. Яңавылдан ике җыелма команда вәкил булды. Турнир йомгаклары буенча Куеда бистәсеннән футболчылар –бронза призер. Шәһәребезнең резерв командасын финалда тар-мар итеп, Яңавылның җыелма командасы турнирда 6:1 исәбе белән җиңү яулады.

Яшь футболчылар да өлкән иптәшләреннән калышмады. 10 гыйнварда ике команда (2006-2007 һәм 2008-2009 елда туганнар) Куедага ярышка барды. Ике җыелма команда да бронза медальләр алып кайтты.