Барлык яңалыклар
Төрлесеннән
30 гыйнвар 2018, 10:50

«Үтте ничә еллар..!»

Яңавылда Студентлар көнен бәйрәм иттеләр

Йолага әверелгән Студентлар көне узган шимбә гадәттәгечә үтте.
Иртәнге сәгать 10да район һәм шәһәр мәктәпләрендә чыгарылыш укучыларының укытучылар һәм булачак студентлар – өлкән сыйныф укучылары белән очрашуы башланды. Үзләре өчен бик өйрәнелмәгән «төп докладчылар»роленнән аз гына каушап калган «тантана хуҗалары» мәктәп укучыларына студентларның кырыс (бик үк түгел) көндәлек тормышы турында сөйләде. Икенче як та сүзсез калмады – «11 Б шкаф аударган» һ.б. хакында тарих үзгә популяр булды.
Көндез студентларны мәдәни-ял итү үзәгендә көттеләр. Зур илебез шәһәрләре һәм дөнья буенча таралган, мәктәп «партасыннан дуслар» ким дигәндә, ярты ел арылып торганнан соң турыдан-туры очрашып, чалымнарына ихтыяр бирүдән кыенсынмады һәм хис-тойгыларын яшермәде.
Биредә, икенче катта, студентларны оешма, предприятие һәм учреждение вәкилләре көтте, алар эш көннәре, коллективның киләчәге хакында сөйләде. Яшьләрне район хакимияте башлыгы Илшат Вәзигатов котлады, шунда ук быел һичшиксез Яңавылда кинотеатр ачылачагынын хәбәр итте. Арытаба концерт һәм иң яхшы студентларны хөрмәтләү узды – аларга Рәхмәт хаты һәм акчалата бүләк тапшырылды.
Яшьләрне вокаль һәм бию номерлары белән генә шатландырып калмадылар – КВН яшьләре арасында популяр юмористик сценка да булды. Студентлар да читтә калмады, ярый әле алар арасында сәнгать уку йортларына керүчеләр дә бар. Һәм алар «һөнәри бәйрәмендә», дип әйтергә мөмкин, таланты белән уртаклашты.
Арытаба спорт яратучы студентлар сессия һәм Яңа ел бәйрәмнәре вакытында формасын югалтмаганлыгын тикшерә алды – спорт буенча ярышлар үткәрелде. Исегезгә төшерәбез, шул ук көнне студент билеты буенча бассейн, «Яшьлек» ФиС МАУның тренажер залына, дискотекага керү ирекле иде, анда яшьләр чын күңелдән ял итә алды.
Анастасия Сәметдинова, Уфа сәнгать училищесы студенты:
– Үзем укыган Радик Гәрәев исемендәге мәктәпкә, кызганычка каршы, барырга өлгермәдем – сессияны япсам да, бу көннәрдә вакыт җитмәде. Аның каравы, мәдәни-ял итү үзәгенә бардым, анда Queen төркеменең «The Show Must Go On» җырын башкардым. Дуслар белән очрашу, сәхнә артында педагоглар белән аралашу бик күңелле үтте.