Аһ, нинди гүзәл!

«Чыршы матур» – социаль челтәрләрдә шәһәрнең яңа ел мәйданына Яңа елның төп символын урнаштыру турында хәбәр итүче фото астында гәзит укучыларның берсе шундый аңлатма калдырган. Ваяды авылы урманыннан 23 метрлы чыршыны урман хуҗалыгы сайлаган, «ЯнаулБлагоустройство» һәм «ТКХИ», «РН-Транспорт» ширкәте эшчеләре алып кайткан, ул чынлап та матур, ә тиздән тагын да ямьләнәчәк – киләсе атнада электрчылар гирляндалар белән бизәргә планлаштыра.

«Яңавыл электр челтәрләре» белгечләре әлегә урамнарда бәйрәм халәте булдыру белән мәшгуль – кичке һәм төнге Яңавыл аларның тырышлыгы ярдәмендә инде хәзер матурлык кыяфәте алды (фотоларны социаль челтәрләрдә карагыз).

Шул ук көнне (сүз чәршәмбе турында бара) кыскарак «буйлы» чыршыны шәһәрнең төньяк өлешенә дә кайтардылар.

Рөстәм Сангов фотосы