Форум

28-29 июньдә бишенче тапкыр Бөтендөнья башкортлары корылтае үтте. Биш елга бер узган форумга дөньяның төрле ил һәм Русия төбәкләреннән 500дән артык делегат җыелган. Яңавыл районы башкортларыннан башкорт хатын-кызлары җәмгыяте рәисе, МКДЦ директорының халыкны китапханә хезмәтләндерүе буенча урынбасары Гөлнара Вәлиева, лицей директорының тәрбия эше буенча урынбасары Әнисә Арсланова, 9 санлы "Миләшкәй" балалар бакчасы тәрбиячесе Гөлназ Абдуллина, Яңавыл район үзәк дәваханәсенең баш табиб урынбасары Рәсим Хәсәнов вәкил булды. Делегацияне район хакимияте башлыгы Илшат Вәзигатов җитәкләде.