Бакчамда үсәләр чияләр

Чияне төше белән бергә кайнатырга. Шулай иткәндә, аның үзенчәлекле тәме була. 1 килограмм чиягә 1,5 килограмм исәбеннән шикәр комы, ярты стаканга якын су кирәк. Башта су һәм шикәр комының яртысыннан сироп ясарга, күбеген җыеп алырга. Шикәр тулысынча эреп беткәч, чияләрне салып, талгын утта, болгата-болгата, 10 минут чамасы кайнатырга. Ахырда шикәр комының калганын салырга һәм эреп беткәнче болгатырга, әзерләнгән банкаларга тутырып куярга.

Төшле чия кайнатмасын бер елдан артык сакларга киңәш ителми. Аның төшләрендәге синил кислотасы каты кабык аша да чыга башлый, диләр.

Тәнзилә Сәлимова.