Җиде ел Миләүшәнең әнисенең фатирында яшәдек

Данир Сабиров та һаман атказанган түгел бит әле. Ул үзе бу турыда ни уйлый?

- Ул атказанган исемнәрнең ничек бирелүен үзегез беләсез. Исем артыннан йөрмим. Булса, булыр, булмаса, булмас инде. Бездә бит танышлар кирәк, - дигән ул. - Әйе, танышларым бар, әмма мин: "Миңа исем кирәк", — дип йөрмим. Үз вакыты, үз җае булыр әле. Халык: "Сезгә күптән исем бирелергә тиеш", — дип язалар. Сәхнәдә бер унбиш ел эшләп, шул исемне алсам, барыбер: "Аңа ул исемне нәрсәгә бирделәр инде?" — дип сораучылар булачак.

- Менә сез мине иң популяр ун җырчы арасына керткән идегез. Шушы җырчылар арасында иң гади машина минеке. Мин "Хендай Гранд Старекс"та йөрим. Хатыным Миләүшәдә - "Инфинити" машинасы. Икесе дә тотылган килеш сатып алынган. "Инфинити"ны 2 миллионга сатып алдык. Ә калган артистлар йөргән "Лексус"лар 6 миллион тора. Шуңа күрә әллә нинди текә машиналарда йөрим дип мактана алмыйм.

- Син кыйммәтле машина сатып алаласың бит. Нишләп алмыйсың?

- Әйе, сатып алырга мөмкинлегем бар. Әлегә артык кыйммәтле машина сатып алуны кирәк дип тапмыйм.

- Сез Миләүшә белән өйләнешкәндә акчаң бар идеме?

- Өйләнгәндә минем бернәрсәм дә юк иде. Җиде ел Миләүшәнең әнисенең фатирында яшәдек. Безнең арада "синеке-минеке" дигән әйбер беркайчан да булмады. Дөресен әйтим, "теща"мның өенә керү минем өчен оят иде, - дигән ул "Интертат" хәбәрчесенә.

Чыганак: https://kiziltan.rbsmi.ru

Фото: интернеттан