Барлык яңалыклар
Төрлесеннән
16 декабрь 2019, 18:25

15 минутта 12 яшьлек баланың гомере өзелде...

Иглин районындагы бу хәл һәркайсыбызны уяу булырга чакыра.
Бүген иртән Иглин районының Таутөмән авылы биләмәсендә коточкыч янгын булды.
Көнкүреш вагончыктагы янгынны коткаручылар һәм авылда яшәүчеләр 15 минутта сүндергән. Кызганычка каршы, шунда ук 2007 елгы кызның үле гәүдәсе дә табылган. Әлеге вакытта янгынның
нәрсәдән килеп чыкканы ачыклана.
Гадәттән тыш хәлләр министрлыгының республика идарәсе гражданнарны хәвефсезлек кагыйдәләренә игътибарны киметмәскә чакыра. Аеруча Яңа ел бәйрәмнәрендә кабынып калган гирляндалар, төрле яктырткычлар, петардалар бу хәлгә сәбәпче була.
Бәйрәм бәхетсезлеккә әверелмәсен!
Автор: Гөлия Мөгаллимова
Фото: pixabay.com
Источник: https://kiziltan.rbsmi.ru/