Габделхәй Биктаһиров Хәниясез ничек яши?

"Татар-информ" хәбәрчесе Ләйсән Рәхмәтуллина "Бәйрәм" ансамблендә яктыртучы булып эшләгән Валентин Кулагинның Габделхәй Биктаһиров белән булган әңгәмәсен тәкъдим итә.

— Вакыт дәвалый, дип әйтәләр. Вакыт узган саен, яралар төзәләме?

— Юк. Бу бит гаилә генә түгел. Без тәүлегенә 24 сәгать бергә булдык һәм бер мизгелдә моннан берни дә калмады. Вакыт узган саен миңа авыррак. Күңелдә бушлык. Берүзең калгач, бик авыр. Хәниянең җырларын радиодан бирәләр. Ностальгия. Авыр. Моны кабул итү авыр.

— Хәния Сезнең өчен кем иде?

— Хәния — яшәеш, эш, яраткан кеше. Чынлап та яраткан кешем. Габделхәй шундый иде, дип нәрсә генә әйтсәләр, язсалар да, бу дөрес түгел.

— Кеше вафат булгач, кадерен белмәгәнбез, дип еш әйтәләр. Ничек уйлыйсыз, исән вакытында Хәниянең кадерен белдегезме?

— Кадерен белмәгән кеше белән тормыйсың бит инде. Мин аны яраттым. Гаилә булгач, төрлесе була, вак-төяк әйткәләшүләр дә була иде инде ул…

— Ниндидер зарларына тиешенчә игътибар итмәдем, дип үкенмисезме?

— Хәния бервакытта да зарланмады. "Мин - бәхетле кеше!" дип әйтә иде ул. "Минем тамашачым, гаиләм, яраткан оныкларым бар", дип әйтә иде.

Бу хакта тулырак: https://intertat.tatar/news/culture/07-02-2020/gabdelh-y-bikta-irov-h-niya-f-rhi-turynda-vakyt-uzgan-saen-mi-a-avyrrak-5719906