Барлык яңалыклар
Төрлесеннән
21 февраль 2020, 18:23

"Минем белән араны өзсәң, фотоларыңны Интернетка куям!"

Уфада яшәүче кызны элекке сөйгәне эзәрлекли

Уфада яшәүче Дарьяга элек очрашып йөргән ир яный.

Бу пар арасында мөнәсәбәтләр узган елның августында ук бозылган булган инде. Бер көнне ир кафеда эшләгән кыз янына килеп, аны кеше алдында төрлечә мыскыллый. Хәтта кызны якларга тырышкан бер иргә йодрык белән ташлана. Бу хәлдән соң берникадәр вакытка тынычланып торган кебек була. Әмма күптән түгел ул янә кафега килеп, кызны мыскыл иткән. Янәсе, бергә төшкән фотоларын, видеоларын Интернет челтәренә куячак.

— Мин — гадәти кеше. Ә менә гаиләле ирнең шулай кылануы башка сыймаслык. Ул миңа карата физик көч кулланганлыктан, араларны өзгән идем дә инде.
Фотоларны Интернетка куйса да оялмыйм. Киресенчә, минем хәлдә калган кызларга бу гыйбрәт булсын. Кызлар аларны рәнҗеткән ирләрдән курыкмасын иде. Көчле, кеше сүзеннән дә өстен булсыннар, — дип яза бу хакта Дарья социаль челтәрләрдә.

Чыганак: kiziltan.rbsmi.ru

Автор: Гөлия Мөгаллимова