Помидорны бәйрәмгә кадәр утыртып калыгыз

4-8 мартта помидор, татлы борыч, баклажан утырту өчен уңайлы көннәр санала. 4-6 мартта исә үсеп килүче Ай кысла йолдызлыгында булачак, шуңа да бу көннәр утырту эшләре өчен аеруча уңышлы.

Бу вакытта утырткан орлыклардан нык һәм чыдам үсентеләр үсә, яшелчәләр мул уңыш бирәчәк.

Шулай ук, бу көннәрдә чәчкә орлыклары чәчеп куйсагыз да була. Ә менә 9 мартта, ягъни Ай тулган көнне, орлык чәчү, күчереп утырту, тукландыру кебек эшләрне башкарырга ярамый.