2020 ел Башкортстанда Торак пунктларның эстетикасы елы дип игълан ителәчәк

Киләсе ел безнең республикада Торак пунктларның эстетикасы елы дип игълан ителәчәк. Газоннар, тротуарлар, ихата һәм җәмәгатьчелек киңлекләренә, киртә элементларына зур игътибар бүленәчәк. үткән дүшәмбе төбәк хөкүмәтендә оператив киңәшмәдә Башкортстан Башлыгы Радий Хәбиров шул хакта сөйләде.

– Муниципалитет башлыклары белән семинар барышында киңәшләштек – бездә елны ниндидер абстракцияләр белән исемләү түгел, ә аны исәпләнүче һәм чыннан да яшәүчеләр ихтыяҗларына җавап бирүче анык, аңлаешлы әйберләргә багышлау тәкъдиме бар.

Гражданнарның мөрәҗәгатьләренә, аларны нәрсә борчуына анализ ясадык. Тирә-як мохит бик мөһим – төзекләндерү, шәһәрләрдә, авылларда уңайлы мохит. Шуңа күрә "Торак пунктлар эстетикасы елы: газон, тротуар, яктылык, коймалар" дип атау тәкъдиме бар.

Тышкы кыяфәт бик мөһим, бу тәртип булган урында яшибез дигән ышаныч тудыра, – диде республика башлыгы. – Бу елдан халыктан активрак башлангычлар көтәм. Активрак кире элемтә булган муниципалитетларга финанслауны арттырачакбыз. Кешеләр үзләре койма тотарга чыкканнар икән – шулай булгач, аларга тагын нәрсәгә дә булса акча бирәчәкбез.

Арытаба киңәшмә урындагы дәрәҗәдә дәвам итте. Балалар уен мәйданчыкларында таганнарны билгеләнгән таләпләргә яраклы итү, шулай ук делегациянең Уфада районны тәкъбирләүдә катнашу мәсьәләләре каралды, чара 31 октябрьдә үтәчәк.

Район хакимияте башлыгы Илшат Вәзигатов шулай ук җомга көнне, 18 октябрьдә, Яңавылда Авыл хуҗалыгы хезмәткәрләре көненә багышланган тантаналы чаралар үтәчәген искә төшерде.