"Мечта"да сайлау

3424 санлы сайлау участогында тавыш бирү актив бара ("Мечта" үсмерләр клубы). УСК рәисе Эльвира Кадрова сүзләре буенча, барлыгы 1619 сайлаучы тавыш бирергә тиеш. Иртән башлыча өлкән яшьтәге сайлаучылар килә, яшьләр, тәҗрибә күрсәтүенчә, бераз соңрак активлаша.

Тәү тапкыр тавыш бирүчеләр саны, - 22, утыз яшькә кадәр кеше саны - 338. Мисалга, бу участокта тәү тапкыр тавыш бирүчеләрдән - Радмила Шәмсетдинова, ул Ижевск шәһәрендә медицина колледжында укый һәм туган шәһәренә махсус гражданлык бурычын үтәргә кайткан.