Уфада 62 яңа камера булачак

Ил Президентының “Хәвефсез һәм сыйфатлы юллар” милли проекты кысаларында республикада юллар төзү һәм ремонтлау дәвам итә.

Быел Уфада янә 62 фото- һәм видеотеркәү камералары урнаштырылачак. Аларның бәясе — 222 миллион 880 мең сум. Аны Санкт-Петербургтан килгән подрядчы куярга тиеш.

Эш күләме ике контрактка бүленгән. Килешү шартлары буенча подрядчы эшләрне ике айда тәмамларга тиеш.

Водительләрне күптән күзәтсәләр, җәяүле гражданнар артыннан күзәтү башланып кына килә — октябрь ахырына 134 миллион сумга 951 урам камерасы куелачак. Заказчының шарты: видеокүзәтү кешеләрнең йөзен таный белергә тиеш.

Чыганак: https://kiziltan.rbsmi.ru/

Фото: https://kiziltan.rbsmi.ru/