Яңавыллылар өчен җан атыйк

Электрон гәзит мәйданчыгында "Республика намусы өчен!" конкурсының "Халык тануы" тавыш бирү башланды. "Халык тануы" кысаларында 12 номинация буенча тавыш бирү бара. Аларда муниципаль тавыш бирү этабында җиңүчеләр тәкъдим ителгән.

Исегезгә төшерәбез, безнең районда алар "Яңавыл электр челтәрләре" АҖе директоры Роман Сәхратов, балалар сәнгать мәктәбе прпеподавателе Рәмис Солтанәхмәтов, Иске Вәрәш авыл биләмәсенең экс-башлыгы Миншакир Шаритдинов.

Республика тавыш бирүдә Роман Фәнис улы "Җәмәгатьчелек эшчәнлеге, хәйрия" номинациясендә көрәшәчәк, Рәмиз Миншәрип улы – "Мәдәният һәм сәнгать" номинацисяендә, Миншакир Шәйсламович – "Дәүләт эшлеклесе, муниципаль хезмәткәр" номинациясендә.

Яңавыл җиренең лаеклы улларын http://i-gazeta.com/vote/vote_2019.php. сылтамасы буенча сайлый аласыз. Тавыш бирү 5 ноябрьгә кадәр ачык. Һәр номинациядә берәр тавыш бирергә мөмкин.

Кадерле, якташлар! Активлык күрсәтик!