Яңа ел календаре-2020. Республикада гаилә каникуллары: кая барырга?

Яңа ел каникуллары чорында Башкортстанда төрле чаралар узачак. Бу көннәрдә Башкортстан Башлыгы Радий Хәбиров кушуы буенча, Яңа ел тамашаларыннан тыш, шулай ук төрле киңкүләм, спорт, мәдәни чаралар оештырылачак. Төбәкнең һәр кешесе һәм кунагы күңеленә хуш килерлек шөгыль таба һәм үз гаиләсе һәм якыннары белән вакытны күңелле үткәрә алачак. Уңайлык өчен яңа ел чаралары административ үзәкләр, республика районнары һәм шәһәрләре бер блокта җыелды.

Алар "Башкортстанның мәдәни дөньясы" интернет-порталы сайтында "Яңа ел календаре-2020" (https://kulturarb.ru/ru/kalendar-meropriyatij-2020) дигән махсус бүлектә урнаштырылды. Һәр муниципалитет бүлегендә районнар һәм шәһәр хакимиятенең рәсми сайтларына сылтама бар, анда чаралар, шул исәптән барлык авыл биләмәләре буенча да, җентекле план урнаштырылган. Шулай ук "Яңа ел календаре-2020"дә Башкортстан Республикасының дәүләт мәдәният һәм сәнгать учреждениеләре репертуары чагылыш тапты, бу төбәктәге барлык вакыйгаларны бәяләргә мөмкинлек бирәчәк.

Ә вакыйгалар күп: осталык дәресләре, музей экскурсияләре, спорт эстафеталары һәм урындагы театрларның спектакльләре. Проектның иң мөһим бурычларыннан берсе - гаилә ялын оештыру. "Яңа ел календаре-2020"дә барлык Яңа ел бәйрәмнәренә, 2020 елның 8 гыйнварына кадәр тулы график җыелган. Чараларның гомум девизы: "Башкортстан - спорт, туризм, мәдәният һәм сәламәтлек территориясе".

Источник: kiziltan.rbsmi.ru