Яңа елдан нинди ташламалар көтелә?

Беренчедән, ана капиталы күләме 3,8 процентка артачак — 2020 елның 1 гыйнварыннан ул индексацияләнәчәк. Түләү суммасы 466 617 сум тәшкил итәчәк.Икенчедән, Башкортстанда эшли башлаячак законга ярашлы, 23 яшькә кадәрге сигез бала тәрбияләүче гаиләләргә 600 мең сумлык сертификат биреләчәк. Күзаллануынча, бу яңалык нәтиҗәсендә киләсе елда 132 гаилә ярдәм ала алачак.Өченчедән, керем дәрәҗәсенә карамастан, барлык гаиләләр дә балалар бакчасы өчен түләүдә ташлама алачак. Элегрәк ташлама керемнәре бер ярым яшәү минимумы күләменнән артмаган гаиләләргә генә биреләчәк, дип ниятләнгән иде. Беренче бала өчен компенсация уртача түләү күләменең 20 процентын тәшкил итәчәк, икенче бала өчен — 50, өченче һәм аннан соңгы бала өчен 70 проценттан да ким булмаячак.Хәтерегезгә төшерәбез, болар барысы да "Демография" милли проекты кысаларында башкарыла.