Яңавыл - БРның төньяк зонасында алдынгы хуҗалык

Районның агросәнәгать комплексында быел яхшы нәтиҗәләргә ирешелде, барлык мөһим күрсәткечләр элекке елларга караганда яхшырак. Муниципаль район һәм БР Авыл хуҗалыгы министрлыгы арасында ашлык һәм яшелчә җитештерү буенча килешүнең максатлы индикаторлары уңышлы башкарылган, ә сөт җитештерү һәм икътисади күрсәткеч индикаторлары ел ахырына кадәр башкарылачак.

Тулай азык-төлек җитештерү 2, 56 млрд сум дәрәҗәсендә көтелә. Авыл хуҗалыгының көтелгән табышы үткән елда 78 миллионга каршы 96 млн сум тәшкил итәчәк. Шул ук вакытта хезмәт җитештерүчәнлеге дә үсте – бер кешегә 1, 38 млн сум. Районның авыл хуҗалыгы предприятиеләренә дәүләт ярдәме сыйфатында федераль һәм республика бюджетларыннан 11 айга 54,9 млн сум алынды. Инвестицияләр җәлеп итү – быелгы елның аерымлык үзенчәлеге. 2019 елның беренче ярты еллыгында аларның күләме 2018 елның тиңдәшле чорына караганда өч тапкыр диярлек күбрәк иде. Бу планда "ИТС-Агро" ширкәтенең инвестицион керүләрен үзгә билгеләргә кирәк, алар 550 млн сум тәшкил итте. Алар тарафыннан булган терлек белән 500 урынга терлекчелек комплексы сатып алынды, өстәмә 510 баш токымлы мал, заманча техника сатып алынды.

Быел 26 770 җирдән район аграрийлары тарафыннан 45 536 т ашлык суктырып алынды, гектарыннан 17 ц ашлык җыелды. Яшелчәләрнең тулай җыемы 4 418 т тәшкил итте, аннан ябык грунт яшелчәләре – 906 т.

Бәрәңге 23 000 т диярлек җыеп алынды.

Ел ахырына барлык төр милек хуҗалыкларында 14 920 баш мөгезле эре терлек бар, алардан 8 128е (элекке ел дәрәҗәсенә 107 %) – авыл хуҗалыгы предприятиеләрендә. Дуңгызларның баш саны 22 594 тәшкил итә, ат – 578, сарык – 7830.

Декабрь башына 27 242 т сөт җитештерелде, еллык җитештерү 30 600 т күләмендә көтелә, шул исәптән авыл хуҗалыгы предприятиеләрендә – 18 450 т (+30 %). Предприятиеләрнең уртача савымы бер сыерга 5 149 килограммга җитте, еллык күрсәткеч 5 410 кг көтелә. Мондый очракта үткән ел белән чагыштырганда үсеш 6 % тәшкил итәчәк.

Ит җитештерү 4 849 т күләмендә күзаллана. Бу үткән елга караганда кимрәк. Җитештерү кимүе "Мичуринский" ширкәтенең дуңгызчылык комплексында планлы үзгәртеп төзү үткәрелүе белән бәйле, анда 22 мең баштан артык дуңгыз асрала. Ел саен техника паркы яңартыла. 2019 елда 215 млн сумнан артыкка ... берәмлек техника сатып алынды.

Р. Әлимгаффаров, район хакимияте башлыгының авыл хуҗалыгы буенча урынбасары.