Дистанцион уку дәвам итәме?

Башкортстанның кайбер сыйныф укучылары өчен дистанцион укыту озайтылды.

Карар бүген яңа коронавирус инфекциясенә каршы көрәш буенча төбәк оператив штабы утырышында кабул ителде. Дистанцион уку 6-10нчы сыйныф укучыларына кагыла.Бу хакта төбәкнең Мәгариф һәм фән министрлыгы хәбәр итә. Онлайн уку ким дигәндә 29 ноябрьгә кадәр дәвам итәчәк.

Башлангыч мәктәп укучылары, бишенче һәм унберенче сыйныф укучылары укуларын көндезге формада дәвам итә.