«Исәнме, мәктәп!»

Тиздән уку елы башлана, димәк, искәрмәләрсез барысының да – ата-аналар һәм укытучыларның, аеруча балалар һәм үсмерләрнең – кәефе күтәренке. Соңгыларын исә, сыйныфташлары белән очрашу, яңа киемен күрсәтү, тәэссоратлар белән уртаклашу көтә... Димәк, чираттагы фотоконкурс шәп узачак!

Исеме: «Исәнме, мәктәп!».

Катнашучылары: барлык теләүчеләр.

Шартлары: гаилә яки дусларыгыз белән мәктәпкә әзерләнгән, беренче уку көннәренең фотоларын җибәрегез (архивтан да мөмкин).

Эшләрне кабул итү: 31 августка кадәр (кертеп).

Өстәмә мәгълүматлар: эшләр бер катнашучы исеменнән кабул ителә. Сүрәтләр сыйфатлы булырга тиеш. Фотоларга карата зур булмаган текст хуплана.

Үткәрү тәртибе: конкурс ике этапта уза. Беренчесендә редколлегия барлык җибәрелгән эшләрдән иң яхшыларын билгеләячәк (темага туры килүе, сүрәтнең сыйфаты, үзенчәлеклелеге исәпкә алына). Икенче этап 1 сентябрьдә башлана, бу көнне иң яхшы эшләр безнең «ВКонтакте» төркемендә урнаштырылачак: җиңүчеләрне ачыклау буенча карарны (ә алар өчәү булачак) гәзит укучыларга тәкъдим итәчәкбез.

Җиңүчеләрне «ЯТ»дан призлар көтә!