"ТЫНЫЧЛЫК, ИМИНЛЕК САГЫНДА СЕЗ КИРӘК" КОНКУРСЫНА

"Тынычлык, иминлек сагында сез кирәк" конкурсы дәвам итә. Чираттагы катнашучы 4 яшьлек Алия Илнур кызы Даутованың үз куллары белән кәгазьдән ясаган корабын тәкъдим итәбез. Ул аны 23 февраль – Ватанны саклаучылар бәйрәме хөрмәтенә әтисенә бүләк итеп әзерләгән.

"Әти, сине чын күңелдән бәйрәм белән тәбриклим, бик күп бәхет телим. Сәламәт бул, хыялларың тормышка ашсын, җир йөзендә иң яхшы әти – ул син. Мин сине бик яратам", – дип теләкләрен дә белдергән Алия.

Хөрмәтле ата-аналар, укытучылар, дәү әни-дәү әтиләр! "Тынычлык, иминлек сагында сез кирәк" конкурсына эшләр кабул итү дәвам итә, вакыт бик аз калып бара, шуңа күрә ашыгыгыз, активрак булыгыз!